Вандроўка па старым Гродне: мы не здолелі знайсці двух падобных будынкаў
Аблічча і атмасферу горада ствараюць не толькі будынкі, але і іх часткі — дзверы, вокны, балконы, сходы, парэнчы, ляпніна ды іншы дэкор звонку або ўнутры. Такія дэталі яшчэ ёсць, але з часам іх усё менш. Мы прайшліся разам з краяведам Таццянай Касатай па цэнтры горада і пашукалі, якія старажытныя каштоўныя дэталі яшчэ засталіся, але могуць знікнуць.