Успомнім родную мову
Трэцяя Агульнанацыянальная дыктоўка пройдзе ў Гродна 21 сакавіка
Традыцыйна у нашым горадзе яе ладзіць Таварыства беларускай школы. Як паведамляюць арганізатары, памылкі нiхто выпраўляць не будзе. Галоўнае – напісаць дыктоўку, i такім чынам прадэманстраваць павагу да мовы і культуры беларусаў. Урывак з твора Уладзіміра Караткевіча прачытае вядомы беларускі паэт і перакладчык Андрэй Хадановіч. Па заканчэнні арганізатары падораць кожнаму сувенір удзельніка і запросяць на музычную імпрэзу. Усіх жадаючых чакаюць у 12.00 па адрасе: вул.Будзёнага, 48а–100.