Нягледзячы на пачатак каляндарнай зімы, некаторыя птушкі-мігранты яшчэ не адляцелі ў вырай. Яны парушаюць прывычны рэжым таму, што сёлета снежань незвычайна цёплы.
Фото: pustunchik.ua
Дагэтуль у далінах рэк каля Гродна можна ўбачыць вялікіх белых чапляў, канюка-мышалова і лыску. Звычайна яны зімуюць у больш цёплых краінах Заходняй Еўропы. Аднак цяпер, пакуль не пачаліся халады, яны застаюцца ў Беларусі.
Адначасова да нас ненадоўга завіталі госці з тундры: птушка-гогаль, сняжурка, рагаты жаўрук, чачоткі, касматаногія канюхі. Яны прабудуць тут да вясны, пакуль на іх радзіме цягнецца палярная ноч. Ужо накіраваліся на захад гусі, лебедзі, кнігаўкі. Такія пералётныя птушкі, як гулі, ластаўкі, кулікі, не баяцца халадоў, але арыентуюцца на памяншэнне светлавога дня, таму ўжо пераляцелі ў Азію або Афрыку.
Як заўжды, на радзіме зімуюць сініцы, вароны, гракі, вераб’і. Карміць іх лепш несалёным салам і несмажаным зернем сланечніка. Ад хлеба лепш паўстрымацца, бо дрожжы могуць нашкодзіць крылатым падапечным. Аднак падкорм дапамагае пераважна слабым птушкам, моцныя нават зімой знойдуць сабе харчаванне самастойна, расказаў арнітолаг Дзмітрый Вінчэўскі.