Ханукальныя свечы запалілі ў сінагоге ў аўторак, 16 снежня. Гарадзенскія іудзеі адсвяткавалі Хануку — свята святла. Незвычайнымі «тэматычнымі» гасцямі сталі фаершчыкі з Ліды, які прадставілі агнявое шоу.
Ханука — гэта свята святла, а запаленыя свечы — яго абавязковы элемент. Яны сімвалізуюць надзею на лепшае. Хануку адзначаюць з другога стагоддзя да нашай эры на ўспамін аб ачышчэнні Храма, асвячэнні ахвярніка і аднаўленні службы пасля перамогі над грэка-сірыйскімі войскамі. Свята цягнецца восем дзён.
Першую свечку запаліў госць свята — польскі консул Анджэй Хадкевіч, другую — равін Іцхак Кофман
Адзначыць Хануку сабраліся некалькі дзесяткаў чалавек
Упершыню падчас Ханукі фаершчыкі паказалі агнявое шоу
Пасля ўрачыстага запальвання свечак у сінагоге зладзілі канцэрт
Усе маглі пачаставацца ханукальнымі пончыкамі