Як распавяла загадчык аддзела археалогіі гісторыка-археалагічнага музея Наталля Кізюкевіч, на выставе «Гарадзенская Троя» яны хацелі прадставіць гісторыю усіх даследванняў Гродна, пачынаючы ад раскопак Юзафа Ядкоўскага — першага дырэктара музея. У 645 экспанатах адлюстравана гісторыя горада, пачынаючы з ХІІ стагоддзя.
Старажытная штодзённасць прадстаўлена праз адну з лепшых у Беларусі калекцый скуранога абутку, прылады працы шаўцоў, ганчарныя вырабы ХVІІ ст., начынні, фрагменты печы з гаршковай кафлі ХV стагоддзя, прадметы хрысціянскага культу, знаходкі вайсковага рыштунку і зброі, дзіцячыя цацкі, упрыгожванні.
Асноўная частка экспазіцыі захоўваецца ў фондах музея. Але прадметамі сваіх даследванняў падзяліўся і ўніверсітэт імя Янкі Купалы: экспанавалі манетны скарб ХVІ–ХVІІ стст., кафлю з Савецкай плошчы, рэшткі кафлянай печы з Савецкай вуліцы. У экспазіцыю таксама ўвайшлі фотаздымкі, планы раскопак, іншыя дакументы.
Выстава будзе адчыненая да мая.