На Сацыялістычнай раскапалі старадаўнія падвалы

Пры замене цеплатрасы ў дварах дамоў на вуліцы Сацыялістычнай экскаватар наткнуўся на цагельныя скляпенні старадаўніх падвалаў.

Зараз каля раскапанай тэрыторыі прахожыя могуць іх убачыць. Аднак, што менавіта знаходзілася на гэтым месцы, гісторыкі адразу сказаць не бяруцца. Гэты раён горада быў забудаваны ў ХVI–XVII стагоддзях. Верагодна, што падвалы існуюць ужо з тых часоў. Невядома, каму яны служылі, але мажліва, што дом на адным фундаменце надбудоўваўся некалькі разоў.