Гарадзенцы напiсалi агульнанацыянальную дыктоўку

Каля двухсот чалавек прынялі ўдзел у Трэцяй агульнанацыянальнай дыктоўцы.

Акцыя павагі да беларускай мовы і культуры прайшла ў Гродна ў нядзелю, 21 сакавіка. Традыцыйнае свята ладзіла Таварыства беларускай школы. Для дыктоўкі арганізатары выбралі прадмову Уладзіміра Караткевіча да кнігі «Памяць зямлі беларускай». Чытаць тэкст прыехаў вядомы паэт і перакладчык Андрэй Хадановіч. Арганізатары акцыі не ставілі мэтай выпраўляць памылкі ў дыктоўках удзельнікаў, але ўсе жадаючыя змаглі аддаць свае работы на праверку. Напрацягу бліжэйшых тыдняў яны атрымаюць адказ.