22 Ноября 2017

Замяніць бетон на пясок і вывезці атракцыёны – пяць ідэй, як палепшыць парк Жылібера

Пяць ідэй для паляпшэння парка Жылібера прапанавала ландшафтны архітэктар Яна Марчук. Гарадзенка выступіла з прэзентацыяй у Цэнтры гарадскога жыцця ў суботу, 16 верасня.

1. Зрабіць археалагічныя раскопкі, каб аднавіць батанічны сад

Батанічны сад, які рос на тэрыторыі сучаснага парка, быў адным з лепшых і самых вялікіх у тагачаснай Еўропе. Ён налічваў 1500-2000 відаў раслін. Яго заклаў прафесар-батанік з французскага Ліёну Жан Эмануіл Жылібер у 1776 годзе. Сад быў патрэбны медычнай акадэміі, якую ён адначасова заснаваў. Французскі прафесар праводзіў тут навуковыя даследванні раслін. Дарэчы, яго запрасіў у наш горад паплечнік гарадзенскага старасты Антонія Тызенгаўза. Калі праз год горад наведаў кароль Станіслаў Аўгуст Панятоўскі, у першую чаргу яго павялі ў батанічны сад. Паводле гістарчыных звестак, манарх застаўся задаволеным.

Ад таго сада сёння над зямлёй нічога не засталося. У 1950-я годы спілавалі перадапошняе дрэва тых часоў – коркавы дуб, а некалькі год таму – засохлы ясень. Страчаная трасіроўка сцежак, якая на старых мапах выглядала зусім па-іншаму, чым цяпер. Аднак Яна Марчук упэўненая, што пад зямлёй сляды старога сада захаваліся. Яна мяркуе, што варта выдаткаваць грошы на археалагічныя садовыя раскопкі парка Жылібера і аднавіць яго паводле старых схемаў.

2. Вярнуць зеляніну

Параўноўваючы старыя здымкі парка з сучаснымі, бачна, як моцна ён парадзеў у апошні час. Яшчэ ў савецкія часы ён заставаўся цяністым. Аднак пасля рэканструкцыі 2005 года парк згубіў шмат раслінаў, асабліва ў Швейцарскай даліне. У той час медыі пісалі пра рэзкае падзенне грунтовых водаў пасля добраўпарадкавання гэтай тэрыторыі, з-за чаго хутка засохлі перад усім старыя дрэвы.

Выбраць варыянт азелянення ёсць з чаго. За 250 год рашэнні змяняліся: дрэвы высаджвалі строга паабапал алей, стваралі з іх паркавыя замалёўкі, высаджвалі імі “сняжынку” або выразныя квадраты. У другой палове ХІХ стагоддзя дрэвы здзіўляюць кантрастамі: побач з пышнай кронай расце стромкі вузкі, як страла, ствол, на фоне цёмнага лісця пасадзілі дрэвы са светлым лісцем. На здымку пачатку ХХ стагоддзя бачна як хмызнякі паўтаралі і падкрэслівалі форму сцежак. Цікавае варыянт знайшлі польскія рэканструктары ў 1930-х гадах. Яны пакінулі адну частку парка густа засаджанай дрэвамі, а на другой, паабапал тэатра ўладкавалі разлеглыя партэры з геаметрычнымі кветнікамі. Гэтую сонечную палову ўтваралі плоскія партэры з зялёных газонаў і невялікіх клумбаў, дрэваў жа было менш.

3. Зрабіць акцэнт на гісторыі

У межах парка захаваліся асобныя будынкі Гарадніцы – раёна мануфактур, асветніцкага і культурнага жыцця, які стварыў Антоні Тызенгаўз. Адзін з іх – былая медычная акадэмія, некалі палац Чацвярцінскіх, у нядаўнім мінулым – ваенная камендатура, а цяпер – пусты будынак, які чакае на інвестара.

На прэзентацыі прагучала прапанова перанесці сюды ўсе кавярні з парку. Прысутныя паўтарылі мару гісторыка Наталлі Канюк адчыніць там музей Чацвярцінскіх, “зялярню” – кавярню з лекавымі гарбатамі, біялагічную лабараторыю. Быў нават варыянт – стварыць там яшчэ адзін ЗАГС. Удзельнікі сыходзіліся ў думцы аб неабходнасці аднаўлення старога будынка.

4. Пераўтварыць сквер у парк

– Цяпер парк Жылібера хутчэй нагадвае сквер, – падзялілася меркаваннем Яна Марчук. – У ім не хочацца спыняцца. Сквер адрозніваецца ад парка ты, што не вызначаны для доўгага затрымання там, гэта месца перахода паміж пунктам А ў пукнт Б. У парка ж іншая функцыя – рэкрэацыйная, у першую чаргу.

Паводле думкі ландшафтнага дызайнера, змяніць атмасферу можна некалькімі крокамі.

А) Звузіць уваходы ў парк, як гэта было раней. Тады яны створаць закрытую пляцоўку, куды можна празлізнуць і апынуцца ў іншай прасторы ў адрозненні ад шумнага цэнтра горада.

Б) Замяніць пакрыццё з пліткі на ўтрамбаваны пясок, як было раней.

– Я проста дзіву даюся, чаму ў нас забыліся на гэтае пакрыццё, – прызнаецца Яна. – Гэта вельмі зручны матэрыял. На пяску не чутны крокі іншых людзей. Можна ціха шпацыраваць, прыемна спружынячы па зямлі. Акрамя таго пясок добра прапускае вільгаць і паветра, таму дрэвам лепей расці побач з такімі сцежкамі.

В) Паставіць больш якасную паркавую мэблю, магчымая невялікая дзіцячая пляцоўка, аздобіць сучаснай скульптурай.

5. Вывезці атракцыёны

Парк занадта маленькі, каб яго перагружаць на выходныя натоўпамі людзей, з якімі ён не спраўляецца. Забаўляльную функцыю парк набыў толькі ў савецкі час. У 1950-я гады там з’явіліся першыя атракцыёны: конікі і самалёт. Старэйшыя гарадзенцы памятаюць таксама більярдную, пакой смеху, павільён “Лета” на месцы сучасных “Калабкоў”. Дагэтуль жа парк больш выконваў эстэтычную, навуковую, экалагічную фукцыі, а таксама быў прызначаны для спакойнага адпачынку. Сюды прыходзілі на шпацыры, паразмаўляць, схавацца ад гарадской мітусні. Яшчэ ў ХХ стагоддзі на месцы атракцыёнаў стаяла аранжарэя з рэдкімі раслінамі Яна Каханоўскага, як працяг справы Жілібера.

– Я думаю, гэта таксама пытанне для абмеркавання, куды можна перанесці атракцыёны, якія занадта вялікія і гучныя для такога маленькага парка. Можа, варта стварыць у зусім іншым месцы “Дрымлэнд” на пустой пляцоўцы?

Дружите с нами в соцсетях и узнавайте новоcти первыми!
    

Заметили ошибку в тексте? Выделите ее мышкой и нажмите Ctrl + Enter

Комментарии:

Комментарии  

 
+2 #1 Eugene 18.09.2017 12:07
Згодны з кожным словам (па-за ЗАГСАМ)! ;-)
Цитировать
 

Добавить комментарий

Уважаемые читатели! На сайте vgr.by введена премодерация комментариев в связи с изменениями в законодательстве о СМИ. Ваши сообщения будут опубликованы после проверки модератором.

ВНИМАНИЕ!При добавлении комментариев категорически запрещено: оскорблять чужое достоинство, сеять и проявлять межрелигиозную или иную рознь, призывать к насилию, переходить на личности, употреблять ненормативную лексику. Комментарии, в которых нарушены правила, будут редактироваться или удаляться. Авторы комментариев несут ответственность за содержание оставленных сообщений.

Защитный код
Обновить

Фотоновости

Возобновились работы в гостинице на Калючинской

Возобновились работы в гостинице на Калючинской

После перерыва возобновилась реконструкция здания возле дома Муравьёва.

Добавить комментарий

Подробнее...

  1. ОК
  2. ВК
  3. FB
 

Погода Гродно

Информация сайта pogoda.by

Курсы валют

Курсы валют в банках г.Гродно на www.ecopress.by

Вопрос недели

Пользуетесь ли вы услугами страховых компаний?

Вопрос - ответ

В каком месте на остановке должен останавливаться автобус или троллейбус?

Фотоблог Наталии Дорош

Мнения

  • Мяне здзіўляе немалая колькасць вельмі маладых асобаў жаночага роду, якія ўпэўнена крочаць зранку па вуліцах усіх гарадоў нашае краіны, трымаючы ў нафарбаваным роце папяроску...
  • В магазинах литовцы дежурно улыбаются, советуют, помогают. Только бери, покупай за ради бога, оставляй евро в кассе
  • Александр Жешко

    бизнес-консультант

    Зачастую именно эта благодатная среда и рождает гениев мирового масштаба. Для примера вспомните, как Стив Возняк и Стив Джобс создавали в гараже свой компьютер
  • было время, когда каждое выступление по телевизору педагогов-новаторов становилось предметом дебатов. Правда, это было в стране, где мороженое реально стоило двадцать копеек.

Вечерний Гродно

Газета Вечерний Гродно — новости и события города, статьи, публикации о Гродно.

добавить на Яндекс

Партнёры

 

Полезно знать

2004–2017 © Перепечатка новостей и материалов, размещенных на сайте газеты «Вечерний Гродно», разрешается только после заключения письменного договора с редакцией. Иное копирование, перепечатка и распространение материалов сайта vgr.by без разрешения редакции запрещены.

Мнения авторов опубликованных новостей, а также оставленных на сайте комментариев могут не совпадать с мнением редакции. За содержание платных статей и баннеров ответственность несет рекламодатель.

АДРЕС: г. Гродно, 230025, ул. Социалистическая, 32
ТЕЛЕФОНЫ: отдел новостей — + (375) 152-77-23-78; 77-00-89; реклама — + (375) 152-72-00-36; 68-10-50; 68-10-51.

E-MAIL: vgrgrodno@gmail.com, news.vgr@gmail.com, vgr.reklama@gmail.com

УЧРЕДИТЕЛЬ: ЗАО «Редакция газеты «ВЕЧЕРНИЙ ГРОДНО»
УНП 590000914

ДИРЕКТОР: Ануфриева Ольга Александровна

СВИДЕТЕЛЬСТВО О РЕГИСТРАЦИИ №586, выдано Министерством информации Республики Беларусь 29.07.2009 года

2004–2017 © Все права защищены.
Система Orphus