25 Марта 2019

  

З'явіўся інтэрнэт-гід па старых гарадзенскіх могілках

Турыстам і жыхарам Гродна прапануюць прыняць удзел у онлайн- і офлайн-экскурсіі па старых гарадзенскіх могілках. Віртуальную карту некропаля стварылі гісторыкі з суполкі «Варштат ідэй».

На віртуальнай мапе пазначаныя 50 пахаванняў на каталіцкіх і праваслаўных могілках. Гэта месцы спачыну вядомых асобаў, якія паўплывалі на развіццё горада: дзеячы навукі і культуры, прадстаўнікі ўлады, вайскоўцы, духавенства. Азтары мапы таксама вылучылі надмагіллі, якія маюць высокую мастацкую каштоўнасць, адлюстроўваюць сімволіку смерці і журботы. Вандроўнік па могілках убачыць тут месцы пахавання маці Максіма Багдановіча Марыі Багдановіч, уласнікаў дома ля Савецкай плошчы купцоў Мураўёвых, паэта Міхася Васілька, генерала Сяргея Ланскога, аўтара надмагілляў Баляслава Шышкевіча. Цікава, што большая частка магіл — на каталіцкіх могілках, бо яны лепш захаваліся.

Кожны пункт мапы прадстаўляе сабой інфармацыю пра памерлага і асаблівасці яго пахавальнага помніка ды фотаздымак, як выглядае надмагілле. Акрамя помнікаў тут можна ўбачыць царкву святой Марфы і капліцу Уваскрасення Хрыстова з праваслаўнага боку. Віртуальная мапа размешчана на GoogleMaps у адкрытым доступе. Тэкст у ёй па-беларуску. У будучым плануецца павялічваць колькасць каштоўных надмагілляў.

Папяровы аналаг мапы старых могілак можна ўзяць бясплатна ў «Краме Ц» на Вялікай Траецкай вуліцы і галерэі «Ткалля» на Замкавай вуліцы. Папяровую мапу намалявала мастачка Наталля Клімовіч. Яна адрозніваецца тым, што ў ёй зроблены акцэнт на значнасць асобаў, а не на мастацкую каштоўнасць помнікаў. Колькасць пунктаў менш, чым у інтэрнэт-версіі.

Аўтары дапаможніка па «горадзе памерлых» заахвочваюць як да віртуальнай, так і да рэальнай экскурсіі — з мапай на мабільным ці планшэце ў руцэ.

Праект увасобілі ў жыццё, бо гарадзенскія могілкі — самыя старыя ў Беларусі. Яны па сваёй значнасці і каштоўнасці стаяць побач з некропалямі Росы ў Вільні, Лычакоўскімі ў Львове, Павонзкаўскімі ў Варшаве.

— Гэты праект спрыяе пашырэнню памяці гарадзенцаў і паглыбленню гісторыі. Мапа адлюстроўвае мастацкія густы былых часоў і пахавальную традыцыю мінулага, — адзначыла гісторык Таццяна Касатая.
У тэму

Гісторыкі плануюць звярнуцца ў Міністэрства культуры Беларусі з просьбай аб унясенні гарадзенскіх старых могілак у ахоўны спіс спадчыны, каб абараніць ад разбурэння як асобныя каштоўныя магілы, так і цэлы коплекс некропаля.

Даведка «ВГ»

Першыя пахаванні на старых могілках у Гродне вядомы з канца XVIII стагоддзя. На іх пахаваны прадстаўнікі розных прафесійных і сацыяльных груп насельніцтва канца ХVIII — пачатку ХХ ст., напрыклад, пісьменніца Эліза Ажэшка. Побач з капліцай знаходзіцца квартал, у якім пахавана каталіцкае духавенства: ксёндз Францішак Грынкевіч (кіраўнік гуртка беларускай моладзі ў 1909–1912), ксёндз францішканін Мельхіёр Фордан, пахаванні манашак брыгідак і назарэтанак, чыноўнікі (віцэ-губернатары К. Максімовіч, Е. Яневіч-Янеўскі, прэзідэнт Гродна пачатку 20-х гадоў ХХ ст. Э. Лістоўскі), дактары (К. Дамброўскі, Я. Сухадольскі, І. Касцялкоўскі, А. Тальгейм), фармацэўты (С. К. Брынкер і М. Кандратовіч), масоны (П. Сіманоўскі. В. Стычынскі, К. Крэйбіх), архітэктары (Джузэппэ Сака, Я. Фордан), скульптары (Баляслаў Шышкевіч), кавалі (Я. Гальскі, І. Сіліневіч), генералы расійскай арміі (Вэвэрн, Хамрат, Вацеўскі, Ланскі), паведамляе сайт harodnia.com.

Чытайце таксама

Дружите с нами в соцсетях и узнавайте новоcти первыми!
    

Заметили ошибку в тексте? Выделите ее мышкой и нажмите Ctrl + Enter

Актуальное

От 50 копеек: в Гродно открывается первый магазин с одной ценой Fix Price

От 50 копеек: в Гродно открывается первый магазин с одной ценой Fix Price

Торговых точек «фикс прайс», где весь ассортимент предлагается по фиксированным ценам, в Гродно станет больше. Первый в нашем городе магазин российской торговой сети Fix Price откроется в четверг, 28 марта.

Добавить комментарий

Подробнее...

Фотоблог Наталии Дорош

Фотоблог Сергея Морозова

Афиша «ВГ»

  1. ОК
  2. ВК
  3. FB
 
  1. В Беларуси
  2. В мире

Погода Гродно

Информация сайта pogoda.by

Курсы валют

Курсы валют в банках г.Гродно на www.ecopress.by

Вопрос недели

Где вы храните велосипед?

Вопрос - ответ

Как получить доступ к базе тунеядцев, если вы находитесь за границей?

Мнения

Вечерний Гродно

Газета Вечерний Гродно — новости и события города, статьи, публикации о Гродно.

добавить на Яндекс

2004–2019 © Перепечатка новостей и материалов, размещенных на сайте газеты «Вечерний Гродно», разрешается только после заключения письменного договора с редакцией. Иное копирование, перепечатка и распространение материалов сайта vgr.by без разрешения редакции запрещены.

Мнения авторов опубликованных новостей, а также оставленных на сайте комментариев могут не совпадать с мнением редакции. За содержание платных статей и баннеров ответственность несет рекламодатель.

АДРЕС: г. Гродно, 230025, ул. Социалистическая, 32
ТЕЛЕФОНЫ: журналисты + (375) 152-62-15-01; 62-15-03; отдел рекламы + (375) 152-68-10-50; 68-10-51; приемная + (375) 152-62-15-02.

E-MAIL: vgr@mail.grodno.by, vechgr@gmail.com, vgr.reklama@gmail.com

УЧРЕДИТЕЛЬ: ЗАО «Редакция газеты «ВЕЧЕРНИЙ ГРОДНО»
УНП 590000914

СВИДЕТЕЛЬСТВО О РЕГИСТРАЦИИ №586, выдано Министерством информации Республики Беларусь 29.07.2009 года

Директор: Кучинский Александр Васильевич

Редактор сайта: Анна Влезько

2004–2019 © Все права защищены.
Система Orphus