Вторник, 21 января
  • Погода в Гродно
  • 4
  • EUR2,3509
  • USD2,1195
  • RUB (100)3,4258
TOP

Віншаванні біскупа Гродзенскага Аляксандра Кашкевіча на свята Божага Нараджэння і Новы год

Умілаваныя ў Хрысце Пану браты і сёстры!

Сярод разнастайных спраў сённяшняга свету Пан Бог дае нам такі чарговы момант, каб усе мы на хвіліну спыніліся і паглыбіліся ў радасны роздум над сэнсам стварэння. Нагодай да гэтага з’яўляецца нараджэнне Божага Сына, Езуса Хрыста, які — пасланы ў свет у постаці маленькага дзіцяці — здзейсніў найвялікшую справу ў гісторыі чалавецтва.

Уваходзячы ў чарговы раз у перажыванне радасці святаў Божага Нараджэння, мы хочам, сапраўды ўглядаючыся ў Хрыста, нанова адшукаць сэнс свайго жыцця. Не ў вялікіх справах гэтага свету, у штодзённай мітусні, але ў поўным веры паглыбленні ў прысутнасць Бога і Яго пакорнае прабыванне сярод нас у асобе нованароджанага Дзіцяці.

Няхай сёлетняе святкаванне нараджэння нашага Збаўцы, якое напаўняе нас радасцю і адкрытасцю на іншага чалавека, прынясе вам і вашым блізкім шмат супакою ў сэрцах.

Няхай Дзіця Езус напаўняе вас любоўю, радасцю і супакоем, умацоўвае сувязі ў вашых сем’ях і асяроддзях, а таксама робіць вашы сэрцы і сумленні больш чулымі да клопату аб кожным чалавечым жыцці, аб выхаванні маладога пакалення, аб лёсе людзей пажылых, хворых, церпячых і беспрацоўных.

Увойдзем з надзеяй на невядомыя шляхі Новага 2019 года, запрашаючы Хрыста ў нашу штодзённасць. Няхай ласка і супакой ад Бога Айца і ад Пана нашага Езуса Хрыста будуць з намі ўсімі!

З пастырскім благаслаўленнем Aляксандр Кашкевіч,
біскуп Гродзенскі

Самое читаемое

Разное