Среда, 19 июня
  • Погода в Гродно
  • 28
  • EUR2,3145
  • USD2,0632
  • RUB (100)3,2091
TOP

У «Крызе» намалявалі «Пана Тадэвуша»

Мастакі ўшанавалі памяць Адама Міцкевіча на выстаўцы карцін, прысвечанай 160-годдзю са дня смерці знакамітага творцы.

Выстаўка «Адам Міцкевіч. Сенняшні погляд» адкрылася у мастацкай галерэі «Крыга» і будзе дзейнічаць па 14 снежня. Свае працы прадставілі больш за дваццаць мастакоў, у тым ліку — Аляксей Васілевіч, Ірэна Міклашэвіч, Андрэй Філіповіч. Усе працы напісаны па матывах паэмы Міцкевіча «Пан Тадэвуш»: партрэты Зосі і Тадэвуша, сцэны палявання і сялянскага побыту, пейзажы Нёмана.

На творчым вечары выступіў прафесар Аляксей Пяткевіч. Ён расказаў пра тое, як Браніслаў Тарашкевіч перакладаў «Пана Тадэвуша» на беларускую мову. На сустрэчу завітаў «вялікі вандроўнік» па Беларусі Юрый Жыгімонт. Студэнты дэкламавалі ўрыўкі з твораў Адама Міцкевіча. Гучала музыка часоў пісьменніка. Песні на творы паэта спяваў Алесь Дзянісаў.

Самое читаемое

Разное