Воскресенье, 23 февраля
  • Погода в Гродно
  • 6
  • EUR2,3885
  • USD2,212
  • RUB (100)3,4401
TOP

Стогадовы арган зайграе ў касцёле ў Гожы

Стары арган будзе асвечаны ў гожскім касцёле падчас святой імшы а 18 гадзіне ў бліжэйшую суботу, 8 лістапада. Дагэтуль ён не дзейнічаў на працягу сарака год.

Паслухаць арганную музыку можна будзе ўжо на святой імшы ў суботу. Плануецца, што пасля яе гарадзенскі арганіст Бруна Тэрмён зладзіць паўгадзінны канцэрт. Стала граць на аргане будуць настаўнікі музыкі з мясцовай школы мастацтваў, расказаў ксёндз — пробашч парафіі святых апосталаў Пятра і Паўла Павел Шанчук.

Аргану «Эміль Марцін» дала другое жыццё пара польскіх майстроў. Над аднаўленнем інструмента, які змоўк сорак год таму, працавалі напрацягу месяца. За гэты час зрабілі капітальны рэмонт.

Пнеўматычна-пішчалковы арган на шэсць галасоў з двума мануаламі ў парафію святых апосталаў Пятра і Паўла ў Гожы прывезлі з Рыгі ў 1913 годзе. Ён месціцца на хорах храма, бо па памерах не надта вялікі, але вылучаецца сваёй гучнасцю.

Касцёл у Гожы быў пабудаваны ў 1867 годзе. У Другую сусветную вайну быў спалены дах і інтэр’ер святыні. Касцёл не зачыняўся ў савецкія часы. Цяпер парафія налічвае каля 1150 вернікаў.

Самое читаемое

Разное